Электронныя звароты грамадзян

Электронныя звароты грамадзян

У адпаведнасці з Законам Рэспублікі Беларусь ад 18 лiпеня 2011 года "Аб зваротах грамадзян і юрыдычных асоб" электронны зварот выкладаецца на беларускай або рускай мовах.

Вы можаце падаць электронны зварот у адрас Дзяржаўнага пагранічнага камітэта Рэспублікі Беларусь, толькі запоўніўшы адну з спецыяльных формаў (для фізічных або юрыдычных асоб), размешчаных у падраздзелах "Электронныя звароты грамадзян" або "Электронныя звароты юрыдычных асоб і індывідуальных прадпрымальнікаў".

Электронны зварот грамадзяніна павінен адпавядаць наступным патрабаванням:

  • прозвішча, уласнага імя, імя па бацьку або ініцыялы грамадзяніна;
  • адрас месца жыхарства (месца знаходжання) грамадзяніна;
  • выклад сутнасці звароту;
  • адрас электроннай пошты грамадзяніна;

Электронны зварот юрыдычнай асобы, індывідуальнага прадпрымальніка павінен адпавядаць наступным патрабаванням:

  • поўная назва юрыдычнай асобы;
  • прозвішча, уласнага імя, імя па бацьку асобы, упаўнаважанай падпісваць звароты;
  • адрас электроннай пошты юрыдычнай асобы.

Да звароту фізічнай або юрыдычнай асобы (індывідуальнага прадпрымальніка) далучаюцца па неабходнасці наступныя дакументы:

  • дакументы, якія пацвярджаюць паўнамоцтвы прадстаўнікоў заяўнікоў;
  • дакументы аб выніках папярэдняга разгляду зваротаў і іншыя дакументы і звесткі, неабходныя для вырашэння пытанняў, выкладзеных у зваротах, у форме файлаў, якія прымацоўваюцца да электроннага звароту ў фарматах PDF / A, DOCX, DOC, RTF, TXT, ODT, ZIP, RAR, PNG , TIFF, JPEG, JPG.

Заяўнікі і (або) іх прадстаўнікі маюць права:

  • адклікання электроннага звароту шляхам падачы пісьмовай заявы або накіравання заявы ў электроннай форме тым жа спосабам, якім быў накіраваны электронны зварот;
  • на абскарджанне адказу на электронны зварот або рашэнне аб пакіданні яго без разгляду па сутнасці ў суд у парадку, устаноўленым заканадаўствам.

Пакідаюцца без разгляду па сутнасці звароты, якія (па якіх):

  • выкладзены не на беларускай або рускай мове;
  • не ўтрымліваюць прозвішча, уласнага імя, імя па бацьку, адраса месца жыхарства (месца знаходжання) грамадзяніна;
  • не ўтрымліваюць поўнай назвы юрыдычнай асобы і адраса яе месца знаходжання, прозвiшча, уласнага iмя, iмя па бацьку кіраўніка або асобы, упаўнаважанай ва ўстаноўленым парадку падпісваць звароты (для юрыдычных асоб);
  • утрымліваюць тэкст, які не паддаецца чытанню;
  • утрымліваюць нецэнзурныя або абразлівыя словы ці выразы;
  • падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах, звароты з'яўляюцца зваротамі работніка да наймальніка альбо ў адпаведнасці з заканадаўчымі актамі ўстаноўлены iншы парадак падачы і разгляду такіх зваротаў;
  • утрымліваюць пытанні, якія не адносяцца да кампетэнцыі Дзяржпагранкамітэта Рэспублікі Беларусь;
  • заяўнікам пададзены паўторны зварот, у тым ліку занесены ў кнігу заўваг і прапаноў, і ў ім не ўтрымліваюцца новыя абставіны, якія маюць значэнне для разгляду звароту па сутнасці;
  • не далучаныя электронныя копіі дакументаў, якія пацвярджаюць паўнамоцтвы прадстаўнікоў заяўнікоў
  • з заяўнікам спыненая перапіска

Электронныя звароты павінны быць разгледжаны не пазней за пятнаццаць дзён, а звароты, якія патрабуюць дадатковага вывучэння і праверкі, - не пазней за адзін месяца, калi iншы тэрмiн не ўстаноўлены заканадаўчымі актамі.

Дзяржпагранкамітэт можа размясціць на сваім інтэрнэт-партале адказы на электронныя звароты аналагічнага зместу ад розных заяўнікоў, якія носяць масавы характар (больш за 10 зваротаў), без накіравання адказаў (апавяшчэнняў) заяўнікам.


   ЗАКОН РЕСПУБЛИКИ БЕЛАРУСЬ от 18 июля 2011 г. № 300-З "Об обращениях граждан и юридических лиц"