Памятныя знакі воінам-пагранічнікам адкрыты ў гарадах Беларусі

Год малой радзімы

Памятныя знакі воінам-пагранічнікам адкрыты ў гарадах Беларусі

23.05.2017 1160
Памятныя знакі воінам-пагранічнікам адкрыты ў гарадах Беларусі
Ва ўсе часы ахова гранiц Айчыны была адной з самых адказных, цяжкіх і ганаровых задач, выконваць якую давяралі толькі лепшым воінам. Увекавечанне памяці пагранiчнiкаў усіх пакаленняў - гэта не толькі даніна павагі да мінулага, але і падзяка тым, хто ствараў гранiцу новай беларускай дзяржавы, хто ў мірны час нясе нялёгкую і адказную службу. Падчас святкавання 100-годдзя органаў пагранiчнай службы, Года малой радзімы ў многіх гарадах Беларусі былі ўрачыста адкрыты памятныя знакі.

У парку Перамогі горада Крычава мемарыял з'явіўся па ініцыятыве раённай грамадскай арганізацыі «Беларускі саюз ветэранаў вайны ў Афганістане» пры падтрымцы мясцовага райвыканкама. Ва ўрачыстым мерапрыемстве адкрыцця прынялi ўдзел кіраўніцтва раёна, Савета дэпутатаў, прадстаўнікі грамадскіх арганізацый, Дзяржпагранкамітэта, сілавых структур, ветэраны пагранічных войскаў, прадстаўнікоў працоўных калектываў, госці з Расіі.

Памятны знак у Шклове быў адкрыты на Алеі Герояў у цэнтры горада. На мітынг прыйшлі самі жыхары горада, прыехалі госці з Магілёва, Крычава, Чавус, Мінска і іншых гарадоў гранiчных войскаў, воінаў-інтэрнацыяналістаў, афіцэраў, правядзення патрыятычных мерапрыемстваў, стане сімвалам мужнасці воінаў-пагранічнікаў»- адзначыў падчас свайго выступу старшыня раённага Савета дэпутатаў Аляксандр Давыдовіч.

У Клецку адкрыццё памятнага знака да 100-годдзя пагранiчнай службы Беларусі прайшло ў рамках раённага ўрока мужнасці, прысвечанага Году малой радзімы і 100-годдзю пагранiчнай службы і Узброеных Сіл Рэспублікі Беларусь. Удзел у ім прынялі прадстаўнікі Дзяржпагранкамітэта, Клецкага раённага выканаўчага камітэта, раённага ваеннага камісарыята, грамадскага аб'яднання «Беларускі саюз ветэранаў органаў пагранiчнай службы», удзельнікі баявых дзеянняў на тэрыторыі іншых дзяржаў, ветэраны Узброеных Сіл і пагранiчнай службы, моладзь і жыхары горада Клецка. Падчас мерапрыемства актыўныя ветэраны-пагранічнікі былі ўзнагароджаны юбілейнымі медалямі «100 год органам пагранічнай службы Беларусі».

У Смаргоні адкрыццё памятнага знака адбылося ў дэндрапарку. У цырымоніі прыняў удзел Старшыня Дзяржпагранкамітэта генерал-маёр Анатоль Лапо, які адзначыў, што ў Беларусі нямала манументаў, помнікаў і памятных дошак, прысвечаных абаронцам Радзімы, у тым ліку і пагранiчнiкам. Ідэя адкрыцця памятнага знака ў дэндрапарку была прапанавана камандаваннем Смаргонскай пагранiчнай групы ў 2017 годзе.