На граніцы з Польшчай затрыманы грамадзяне Йемена
Фота носіць ілюстрацыйны характар
10 лютага гродзенскія пагранічнікі ва ўзаемадзеянні з польскімі калегамі затрымалі двух парушальнікаў дзяржаўнай граніцы.
Каля поўдня з дапамогай тэхнічных сродкаў аховы граніцы супрацоўнікі органаў пагранслужбы зафіксавалі рух на рэжымнай тэрыторыі ў бок дзяржаўнай граніцы. Пра гэта былі праінфармаваны пагранічнікі сумежнай дзяржавы. Трывожная група, аператыўна прыбыўшая да месца спрацоўкі, пацвердзіла прысутнасць старонніх асоб – пагранічны нарад выявіў адну дарожку слядоў, якая вядзе ў бок Польшчы. У ходзе іх вывучэння было ўстаноўлена, што невядомых двое, якія спрабавалі заблытаць пагранічнікаў, выкарыстоўваючы хітрасць - ішлі след у след.
У выніку сумесных дзеянняў беларускіх пагранічнікаў і супрацоўнікаў пагранічнай варты Польшчы ў далейшым былі затрыманы два парушальніка дзяржаўнай граніцы.
Правапарушальнікі – грамадзяне Йемена – да завяршэння разбіральніцтва змешчаны ў ізалятар часовага ўтрымання Гродзенскай пагранічнай групы. У дачыненні да іншаземцаў распачаты адміністрацыйны працэс за парушэнне граніцы, пагранічнага рэжыму і правілаў знаходжання. Ім пагражае штраф і дэпартацыя з забаронай уезду ў Беларусь на тэрмін да 5 гадоў.