Баннеры на главную бел

«Ударыў салдата». Пагранічнікі ўжылі фізічную сілу да парушальніка, які аказваў супраціўленне

09.05.2020

Малады чалавек кіраваў транспартным сродкам у населеным пункце ў непасрэднай блізкасці ад дзяржаўнай граніцы, не маючы пры сабе ніякіх дакументаў. Калі яго для праверкі дакументаў спыніў пагранічны нарад, мужчына катэгарычна адмовіўся прайсці на заставу з мэтай ўстанаўлення яго асобы, больш за тое пачаў нецэнзурна выказвацца.

«Ударыў салдата». Пагранічнікі ўжылі фізічную сілу да парушальніка, які аказваў супраціўленне Фота носіць ілюстрацыйны характар

Неаднаразовыя папярэджанні аб недапушчальнасці падобных паводзінаў не падзейнічалі. Грамадзяніну было растлумачана, што ў выпадку адмовы выканаць законныя патрабаванні пагранічнікаў, да яго будзе ўжыта фізічная сіла, а таксама складзены адміністрацыйны пратакол па адпаведным артыкуле КаАП.

Пры затрыманні малады чалавек аказаў супраціўленне, нанёс удар нагой у твар вайскоўцу тэрміновай службы, чым яшчэ больш пагоршыў сваё становішча. У цяперашні час парушальнік змешчаны ў ІЧУ Лідскага пагранатрада, дзе чакае пакарання за свае дзеянні. Праводзіцца праверка па факце парушэння пагранічнага рэжыму, непадпарадкавання законным патрабаванням ваеннаслужачых, а таксама вырашаецца пытанне аб узбуджэнні крымінальнай справы па артыкуле 366 Крымінальнага кодэкса (гвалт у дачыненні да службовай асобы).

Дарэчы, гэты грамадзянін раней неаднаразова прыцягваўся да адміністрацыйнай адказнасці за аналагічныя парушэнні. У дачыненні да яго таксама ўзбуджана крымінальная справа па факце парушэння граніцы на транспартным сродку ў канцы лістапада мінулага года.