Навіны

З Расіі з каханнем: дзяўчына спрабавала незаконна дабрацца у Францыю да выбранніка

04.05.2020

Увечары 3 мая брэсцкія пагранічнікі затрымалі грамадзянку Расіі непадалёк ад беларуска-польскай граніцы.

З Расіі з каханнем: дзяўчына спрабавала незаконна дабрацца у Францыю да выбранніка Фота носіць ілюстрацыйны характар

Першапачаткова дзяўчына заявіла, што шукала паблізу краму. Пры гэтым для шопінгу ў яе быў спецыфічны багаж: палатка, спальны мяшок і торба з рэчамі, а пазней высветлілася, што ў смартфоне былі нават карты некалькіх участкаў беларуска-польскай граніцы.

У наступным жыхарка Цвярской вобласці распавяла, што ў пачатку года ў Індыі пазнаёмілася з мужчынай з Францыі, а цяперашняя санітарна-эпідэміялагічная сітуацыя ў свеце не дазваляе ёй наведаць каханага. Менавіта таму яна вырашыла незаконна перасекчы граніцу.

У дачыненні да грамадзянкі Расіі пачаты адміністрацыйны працэс. За незаконнае перасячэнне дзяржаўнай граніцы і парушэнне пагранічнага рэжыму яе чакае дэпартацыя з забаронай уезду ў Беларусь на 5 гадоў.

Цяпер сочыце за аператыўнай інфармацыяй і на telegram-канале  пагранічнага ведамства.